Нідэрланды рассакрэцілі больш за 500 дакументаў пра крушэнне Боінга пад Данецкам

Улады Нідэрландаў на запыт шэрагу СМІ апублікавалі 569 дакументаў, якія звязаны з катастрофай малайзійскага Boeing, пацярпелага крушэнне ў Данецкай вобласці ў ліпені 2014 года.



Асноўную частку агучаных матэрыялаў складаюць лісты, якімі ўдзельнікі крызіснай каманды абменьваліся пасля катастрофы, паведамляе тэлеканал «Дождж» са спасылкай на галандскае агенцтва RTL Nieuws.

У іх чыноўнікі абмяркоўвалі арганізацыю нацыянальнай памінальнай службы і іншых сустрэч сваякоў ахвяр трагедыі, транспарціроўку астанкаў загінулых на авіябазу ў Эйндховен, а таксама шляхі камунікацыі з сваякамі.

Адзначаецца, што нідэрландскі ўрад не апублікаваў яшчэ 147 запытаных дакументаў. Пры гэтым частка інфармацыі (імёны, тэлефонныя нумары, подпісы ў электронных лістах) у апублікаваных дакументах закрытыя. Як патлумачыў нацыянальны каардынатар па пытаннях бяспекі і процідзеяння тэрарызму Дзік Скооф, які прадаставіў доступ да матэрыялаў, частка інфармацыі не раскрываецца па розных прычынах, у прыватнасці, для абароны прыватнасці людзей, імёны якіх згадваюцца ў дакументах, а таксама з-за таго, што раскрыццё некаторых дакументаў можа стаць перашкодай для «бесперашкоднага абмену аргументамі».

Адзначым, у лютым нацыянальны каардынатар ўжо апублікаваў частку дакументаў, звязаных з катастрофай Boeing. Тады запыт быў зроблены інфармацыйнымі агенцтвамі на аснове закона аб свабодзе інфармацыі Нідэрландаў.

У Данецкай вобласці 17 ліпеня 2014 пацярпеў крушэнне Боінг-777 малазійскіх авіяліній, які ляцеў з Амстэрдама ў Куала-Лумпур. На борце лайнера знаходзіліся 298 чалавек, усе яны загінулі. Да расследавання прычын трагедыі падключыліся міжнародныя спецыялісты. Хутчэй за ўсё, самалёт быў збіты данецкімі сепаратыстамі з дапамогай расійскага супрацьпаветранага комплексу «Бук».

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: