Новы інструмент выцягне музыку прама з мозгу

Група навукоўцаў з Сіэтла стварыла энцэфалафон — кантраляваную думкай прыладу, прызначаную для складання музыкі.
Чалавеку, які скарыстаецца энцэфалафонам, не трэба будзе запісваць ноты або прайграваць мелодыю на якім-небудзь інструменце, энцэфалафон пераўтворыць у музыку электрычныя імпульсы яго мозгу. Для гэтага выкарыстоўваецца даўно вядомы метад — электраэнцэфалографа, запіс электрычнай актыўнасці мозгу з дапамогай электродаў, якія замацоўваюцца на паверхні галавы. Энцэфалафон ператварае электрычныя рытмы мозгу ў гукі, якія прайграе сінтэзатар.

«Энцэфалафон можна ўжываць як у якасці новага музычнага інструмента, які не патрабуе руху, так і ў якасці патэнцыйнай тэрапеўтычнай прылады біялагічнай зваротнай сувязі для пацыентаў, якія пакутуюць маторным дэфіцытам (напрыклад, пры аміятрафічным бакавым склерозе, інсульце, траўматычнай ампутацыі)», — кажуць стваральнікі прыбора . Кіраўнік калектыву навукоўцаў Томас Дэўэль (Thomas Deuel) з Вашынгтонскага універсітэта і Шведскага медыцынскага цэнтра ў Сіэтле распавядае, што ён не толькі неўролаг, але і музыка, і яму даводзілася бачыць нямала калег-музыкаў, якія пасля інсульту гублялі магчымасць граць на сваіх інструментах з-за маторных парушэнняў. Для іх энцэфалафон можа стаць адзінай магчымасцю працягнуць заняткі музыкай.

Папярэдняе даследаванне паказала, што пробная група з 15 здаровых дарослых змагла без папярэдняй падрыхтоўкі навучыцца кантраляваць энцэфалафон, дамагаючыся ад яго прайгравання жаданых гукаў. Прыборам можна кіраваць з дапамогай двух тыпаў імпульсаў, альбо звязаных са глядзельнай карой або з думкамі аб руху. Апошні варыянт можа апынуцца карысным для пацыентаў з абмежаванымі рухальнымі магчымасцямі.

Паводле Science Pro

Хочаце ведаць больш? Сачыце за нашымі публікацыямі ў Telegram і Facebook!