Пад час штурму вайсковай частцы ў Луганску тэрарысты скарысталі «жывы шчыт» з бацькоў салдат

Тэрарысты прымусілі салдат Нацгвардыі скласці зброю, прыкрыўшыся іх бацькамі.



Салдаты склалі зброю і пакінулі вайсковую частку Нацгвардыі, якую штурмавалі тэрарысты. Пра гэта на сваёй старонцы ў «Фэйсбуку» напісаў народны дэпутат Алег Ляшко.

«Навіны з Луганска, дзе тэрарысты штурмуюць вайсковую частку Нацгвардыі. Наперадзе сябе баевікі паставілі бацькоў салдат. Апошнія вымушаны былі скласці зброю і пакінулі частку. Афіцэры забарыкадаваліся на 5 паверсе памяшкання і адстрэльваюцца ад нападнікаў. Сілы відавочна не роўныя», — напісаў ён.

Сярод украінскіх вайскоўцаў ёсць параненыя, адзін цяжка паранены, забітых няма. Сярод тэрарыстаў 5 загінулых. Ўкраінскіх байцоў вывозяць з вайсковай часткі.

Раней атака на вайсковую частку 3035 Усходняга тэрытарыяльнага аб'яднання Нацыянальнай гвардыі Украіны (палка канваіравання асуджаных і асоб, узятых пад варту) была адбітая. Нападаючыя патрабавалі, каб вайскоўцы здалі зброю і пакінулі тэрыторыю часткі.

Вядомма, што баявыя дзеянні пачаў батальён сепаратыстаў «Заря». Да пачатку штурму ваенная частка некалькі гадзінаў абстрэльвалася з мінамётаў.

Паводле УНІАН, Сегодня

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: