Пакістан. Кожнай жанчыне па курыцы!

Пакістанскае грамадства дасюль не можа прыйсці ў сябе ад арыгінальнай ідэі прэм’ера Імрана Хана.

Імран Хан. Фота Reuters

Пакістанскі прэм’ер адзначыў сто дзён знаходжання пры ўладзе, агучыўшы праграму барацьбы супраць беднасці сярод жанчын (для даведкі: у краіне каля 7,7 мільёна сямей жывуць па-за рысай беднасці). Каб ліквідаваць такую негатыўную з’яву, прэм’ер мае намер раздаваць бедным жанчынам па некалькі курыцаў.

Логіка ў чыноўніка вельмі простая. Курыца будзе несці яйкі, якія можна пасля прадаваць або павялічыць колькасць птушак у гаспадарцы. Як вынік, паступова жанчына можа пачаць свой бізнес і матэрыяльна стаць на ногі.

Шматлікія пакістанцы рэагавалі на такі рэцэпт жартамі і мемамі, выяўляючы прэм’ера як курыцу. У выніку той быў вымушаны пракаментаваць каскад жартаў на яго адрас. У тым ліку ён выклаў у сябе на акаўнце ролік з Білам Гейтсам, які, як высвятляецца, таксама верыць у чароўную здольнасць курыцы палепшыць эканоміку краіны.

Паводле амерыканскай прэсы



Хочаце ведаць больш? Сачыце за нашымі публікацыямі ў Telegram і Facebook!