Палітвязень Павел Грыб звярнуўся да ўкраінскай улады

Бацька ўкраінскага палітвязня Паўла Грыба апублікаваў зварот да ўкраінскай улады, які яго сын напісаў у расійскім СІЗА.


Ігар Грыб апублікаваў зварот у Facebook у дзень нараджэння Паўла, паведамляе hromadske.ua.

«Я, Павел Грыб, украінскі патрыёт, асуджаны за садзейнічанне тэрарыстычнай дзейнасці на шэсць гадоў пазбаўлення волі, разам з усімі палітычнымі вязнямі ад імя ўсіх украінскіх вайскоўцаў, палітвязняў пуцінскага рэжыму, звяртаюся да ўкраінскай улады, Прэзідэнту Украіны, дэпутатам Вярхоўнай Рады, ураду Украіны — вырашыце нарэшце наш лёс!», напісаў Павел у сваім звароце.

«Я заклікаю і звяртаюся да грамадскасці, дзеячаў культуры, ваенных, нацыяналістаў, валанцёраў і капеланаў, суполак кожнага краю, усіх неабыякавых да нашага лёсу ўкраінцам — не заставайцеся ўбаку і не забывайце зняволеных! Скажыце сваё слова пра нас — дома, на працы, у сацыяльных сетках, у СМІ. Трэба данесці праўду пра пераслед патрыётаў Украіны спецслужбамі Масковіі», — дадаў ён.

Грыб адзначыў, што «так далей працягвацца не можа» і нагадаў аб неабходнасці пачаць перамовы аб новым абмене.

«Колькасць палітвязняў, на жаль, толькі павялічваецца. Цяпер іх больш за 100 чалавек ... Колькі яшчэ павінна быць заключана ні ў чым не вінаватых людзей, каб справа нарэшце была? Дзве, тры, чатыры сотні? Няўжо мала таго, што зламалі жыццё і здароўе столькім украінцам? Раней немагчыма было ўявіць сабе такое — больш за сотню зняволеных, а зараз нават страшна падумаць — ужо ёсць», — адзначыў палітвязень.

Ён адзначыў, што ў гэтым годзе «за разнастайнымі клопатамі, падзеямі і выбарамі» перасталі заўважаць як заключаюць усё больш украінцаў.

«Значыць гэтым ужо нікога не здзівіш. Гэта не павінна стаць ні ў якім разе штодзённай нормай жыцця. Гэта не павінна быць звычайнай падзеяй — у турму яшчэ аднаго чалавека. Мы не павінны гэтага дапусціць», — падкрэсліў Павел.

«Якое бы расчараванне ва Украіне не было, якая б улада на хвалі гэтага расчаравання не прыйшла, яе абавязак — вызваліць палонных і палітвязняў, не дапусціць новых, зачыніўшы пасля гэтага дзяржаўную мяжу з Масковіяй і Беларуссю і разарваўшы дыпламатычныя адносіны з усімі варожымі краінамі. Гэтага мы патрабуем. Любая ўлада павінна нас чуць. Любая іншая палітыка ў гэтым кірунку, з'яўляецца дзяржаўнай здрадай. Мы чакаем афіцыйнай рэакцыі і галоўнае — дзеянняў улады. Час пайшоў. Паабяцалі — працуйце», — падсумаваў ён.

У жніўні 2017 года ўкраінскі афіцэр Ігар Грыб заявіў пра выкраданне сына спецслужбамі РФ у Беларусі. Паводле яго слоў, ФСБ выманілі яго сына Паўла ў Гомель, пад выглядам сустрэчы з дзяўчынай і правёў затрыманне. Пасля высветлілася, што 19-гадовы Павел Грыб, які знік у беларускім Гомелі, знаходзіцца ў упраўленні ФСБ Расіі ў Краснадары, яго абвінавацілі ў тэрарызме.

22 сакавіка Паўночна-Каўказскі акруговы райсуд Растова-на-Доне прысудзіў украінца Паўла Грыба, які абвінавачваецца ў прымусе да тэракту расіянкі Таццяны Яршовай, да шасці гадоў пазбаўлення волі. Паўлу зараз 20 гадоў. Бацька палітвязня Паўла Грыба назваў прысуд смяротным для сына.




Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: