Парашэнка абмеркаваў з Кэры сітуацыю ў Данбасе

Як гаворыцца ў паведамленні, суразмоўцы абмеркавалі сітуацыю на Данбасе. Яны выказалі занепакоенасць з нагоды таго, што, нягледзячы на падпісанне дамоўленасцяў у Мінску 12 лютага, рэжым спынення агню парушаецца з боку баевікоў, асабліва ў раёне Дэбальцава, паведамляе korrespondent.net.



У ходзе гутаркі суразмоўцы пагадзіліся, што недастатковы доступ Спецыяльнай маніторынгавай місіі (СММ) АБСЕ для маніторынгу і верыфікацыі не спрыяе далейшаму адводу ваеннай тэхнікі і дээскалацыі.

"Яны таксама адзначылі, што неабходна выкананне ўсіх пунктаў дамоўленасцяў, у тым ліку аднаўленне кантролю за ўкраінска-расійскай мяжой", — гаворыцца ў паведамленні прэс-цэнтра прэзідэнта.

П.Парашэнка і Дж.Кэры скаардынавалі пазіцыі адносна далейшых крокаў, у прыватнасці па праекце рэзалюцыі Савета Бяспекі ААН па Украіне.

Сакратар запэўніў П. Парашэнку ў падтрымцы пазіцыі Украіны з боку ЗША.

Раней прэзідэнт Расіі Уладзімір Пуцін абмеркаваў падчас тэлефоннай размовы з кіраўніком Украіны Пятром Парашэнкам і канцлерам ФРГ Ангелай Меркель рэалізацыю мінскіх дамоўленасцяў.

telegraf.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: