ПАСЕ па прапанове Украіны плануе стварыць спецыяльную групу па Беларусі

У ПАСЕ плануюць стварыць спецыяльную групу па Беларусі і ўвесці новыя санкцыі супраць рэжыму Лукашэнкі. З адпаведнай прапановай выступіў прадстаўнік пастаяннай дэлегацыі Вярхоўнай Рады Украіны ў ПАСЕ народны дэпутат Аляксей Ганчарэнка.

Прадстаўнік Украіны ў ПАСЕ Аляксей Ганчарэнка / dumskaya.net


«Сёння я звярнуўся да старшыні Камітэта міністраў у ПАСЕ, федэральнага міністра замежных спраў Германіі Хайка Мааса і прапанаваў стварыць спецыяльную рабочую групу, якая аб’яднае прадстаўнікоў Савета Еўропы і апазіцыі Беларусі ў барацьбе з рэжымам Лукашэнкі ў страсбургскім фармаце. Ён падтрымаў гэтую ідэю. Падчас старшынства Германіі ў Камітэце міністраў іх каманда абяцае весці працу па ўзмацненні санкцый супраць рэжыму Лукашэнкі», — напісаў Ганчарэнка ў сваім тэлеграм-канале, паведамляе Еўрарадыё.

Па яго словах, неабходна пакараць людзей, вінаватых у парушэнні правоў чалавека і махлярстве на выбарах. Наладжванне сувязяў з прадстаўнікамі беларускай апазіцыі на міжнародным узроўні Ганчарэнка назваў прыярытэтным і важным крокам на шляху да дэмакратычнага развіцця Беларусі.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: