Пашынян падаў у адстаўку

Прэм'ер-міністр Арменіі Нікол Пашынян у эфіры Грамадскага тэлебачання паведаміў, што падаў у адстаўку са сваёй пасады.
Нікол Пашынян. © РІА Навіны / Аляксей Нікольскі

Нікол Пашынян. © РІА Навіны / Аляксей Нікольскі

Ён дадаў, што будзе выконваць абавязкі кіраўніка Кабміна да выбараў.

Па канстытуцыі Арменіі, парламент можна распусціць, калі пасля адстаўкі кіраўніка Кабміна дэпутаты на двух пасяджэннях не змогуць абраць новага прэм'ера.

Аднак Рэспубліканская партыя, якая захавала большасць у парламенце, і яшчэ шэраг палітычных аб'яднанняў прынялі закон, які ўскладняе магчымасць распусціць парламент. Прэм'ер 2 кастрычніка вывеў сваіх прыхільнікаў на акцыю пратэсту, а таксама звольніў шэраг міністраў — членаў партый, якія падтрымалі законапраект.

Восьмага кастрычніка Пашынян паведаміў, што падпісаў з лідарам партыі "Квітнеючая Арменія" Гагікам Царукянам мемарандум аб правядзенні ў снежні датэрміновых парламенцкіх выбараў.

Апазыцыя выступае супраць гэтага і лічыць, што выбары павінны прайсці вясной 2019 года ў сувязі з неабходнасцю перагледзець выбарчы кодэкс, забяспечыць прысутнасць назіральнікаў, даць палітыкам час для падрыхтоўкі.


Паводле ria.ru

Хочаце ведаць больш? Сачыце за нашымі публікацыямі ў Telegram і Facebook!

Каментаваць