Пажар у Чарнобыльскай зоне. Агонь ужо каля радыеактыўных адыходаў?

Агонь наблізіўся да радыеактыўных адыходаў. Пра гэта паведаміў кіраўнік "Асацыяцыі чарнобыльскіх тураператараў".

Фота з Facebook Яраслава Емяльяненка


Агонь у Чарнобыльскай зоне дабраўся да Прыпяці і цяпер за два кіламетры ад сховішчаў радыеактыўных адходаў, піша “Украінская праўда”.

Пра гэта паведаміў чалец грамадскага савета пры ўкраінскім дзяржагенцтве па кіраванні зонай адчужэння Яраслаў Емяльяненка ў Facebook.

"Сітуацыя крытычная. Зона палае. Мясцовая ўлада дае справаздачу, што ўсё пад кантролем, але на самай справе агонь імкліва захоплівае новыя тэрыторыі. У мяне два варыянты: ці да Кабміну не даводзяць рэальную сітуацыю, ці ён абраў палітыку замоўчвання савецкай улады, як у 86 годзе.

Зараз агонь дабраўся да Прыпяці і знаходзіцца ў двух кіламетрах наўпрост ад сховішчаў радыеактыўных адходаў "Падлесны", дзе размешчаныя найболей высокаактыўныя радыяцыйныя адыходы ўсёй Чарнобыльскай зоны, і ад самой ЧАЭС".

 

Між тым, паводле дадзеных украінскай Дзяржаўнай службы па надзвычайных сітуацыях, па стане на 17 гадзін 13 красавіка ў зоне адчужэння працягваецца тушэнне пажараў на тэрыторыі Карагодскага і Дзянісавецкага лясніцтваў. Пажар на тэрыторыі Катоўскага лясніцтва ліквідаваны.

У спецслужбе справаздачацца, што радыяцыйны фон па Кіеве і Кіеўскай вобласці ў межах нормы і не перавышае натуральных фонавых значэнняў.

Дзяржаўнае агенцтва Украіны па кіраванні зонай адчужэння адзначае, што на левым беразе ракі Прыпяць узгаранняў няма. У агенцтве адзначылі, што гарыць падсцілка на дамбе вадасховішча-ахаладжальніка, а менавіта, паміж дамбай і ракой, на правым беразе Прыпяці, і таму ствараецца ўражанне, нібыта і на левым беразе таксама ёсць задымленне.

Нагадаем, з 4 красавіка ў Чарнобыльскай зоне адчужэння не могуць патушыць пажар, які ўзнік, паводле ўкраінскай паліцыі, у выніку наўмыснага падпалу травы "дзеля забавы".

Паводле www.pravda.com.ua, www.dsns.gov.ua


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: