Перамовы па газе: Расія стаіць на сваім, Украіна думае аб Стакгольмскім арбітражы

Перамовы па рашэнні спрэчных газавых пытанняў у фармаце Украіна-Расія-ЕС якія доўжыліся ўчора ў Брусэлі 7,5 гадзін, засталіся без канкрэтных вынікаў і будуць прадоўжаны ці вечарам у аўторак або раніцай у сераду.



Пра гэта паведаміў журналістам па завяршэнні перамоваў камісар па пытаннях энергетыкі Гюнтэр Этынгер. Па словах еўракамісара, у ходзе перамоваў бакі абмяркоўвалі розныя аспекты цаны на газ, улічваючы "рынкавыя цэны і іншыя аспекты".



"Мы дамовіліся працягнуць перамовы заўтра ў 9 гадзін вечара або раніцай наступнага дня, таму што нашы партнёры павінны параіцца са сваімі ўрадамі", — паведаміў ён.



Расійскі бок настойвае на выплаце да 10 чэрвеня запазычанасці за пастаўлены ў лістападзе-снежні газ у памеры 1 млрд 451000000 даляраў, а таксама выплаты ў памеры 500 млн. даляраў за красавік і травень.


"Мы абмяркоўвалі пытанні выплаты запазычанасці за пастаўлены ў лістападзе-снежні газ у памеры 1451 млн. грн. у тэрмін выплаты да 10 чэрвеня, а таксама часткі выплаты запазычанасці за красавік-май у памеры 500 млн долараў", — заявіў міністр энергетыкі Расіі Аляксандр Новак.


 
Па словах расійскага міністра, у ходзе перамоваў бакі таксама абмяркоўвалі пытанні, якія тычацца цаны і наступнай аплаты і пастаўкі на чэрвень-ліпень.

 
"Расійскі бок застаецца прыхільным дасягнутых дамоўленасцяў, і мы падрыхтавалі канструктыўную прапанову, якое павінна задаволіць зацікаўлены бок. Хацеў бы падкрэсліць, што мы працягнем перамовы", — адзначыў Новак.

 
Акрамя таго, па словах расійскага міністра, бакі абмеркавалі таксама і пытанне надзейнасці транзіту газу праз Украіну, запампоўкі газу ў падземныя сховішчы, а таксама "фактычна пытанне магчымасці Украіны адносна аплаты".



Міністр паліва і энергетыкі Украіны Юрый Продан заявіў, што перамовы па ўрэгуляванні спрэчных газавых пытанняў паміж Кіевам і Масквой, якія адбыліся ў Брусэлі, "зрабілі крок наперад".


 
Продан заяўляе, што ў выпадку, калі бакі не прыйдуць да пагаднення, Украіна пойдзе ў Стакгольмскі суд. Пра гэта міністр заявіў сёння раніцай на прэс-канферэнцыі, якая адбылася пасля доўгіх перамоваў.


Паводле яго слоў, была дамоўленасць бакоў адносна таго, каб вырашыць праблемныя пытанні пакетам пагадненняў, пры якім пасля ўзгаднення цаны будзе ўзгоднена аплата запазычанасці.


 
"Але змянілася пазіцыя Расійскай Федэрацыі адносна фармавання кошту", — паведаміў ён.

 
Паводле слоў Продана, Газпром прапанаваў зніжку на экспертныя пошліны на газ, але, як сцвярджае ўкраінскі міністр, гэта рашэнне расейскага боку "можа быць адменена ў любы момант".

 
"Таму мы хочам хочам дамагчыся справядлівай цаны, — канстатаваў Продан. — Калі дамоўленасці дасягнуты не будуць, мы будзем вырашаць свае ўзаемаадносіны ў Стакгольмскім судзе".
 
Паводле украінскіх і расійскіх СМІ

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: