Польшча. Былы кіраўнік МУС асуджаны за ўвядзенне ваеннага становішча ў 1981 годзе

Чэслаў Кішчак прысуджаны да двух гадоў пазбаўлення волі ўмоўна. Прысуд мае законную сілу. Апеляцыйны суд у Варшаве пакараў яго за ўдзел у „злачыннай групе ўзброенага характару”, якая падрыхтавала ўвядзенне ў краіне ваеннага становішча.



PAP/Tomasz Gzell. General Czeslaw Kiszczak


У 2012 годзе былы кіраўнік Міністэрства ўнутраных спраў ПНР быў прыгавораны да двух гадоў пазбаўлення волі. У 2013 годзе з-за стану здароўя абвінавачанага, суд прыпыніў разгляд апеляцыі. Працэс па апеляцыі была ўзноўлены Апеляцыйным судом у красавіку бягучага года, пасля ранейшага лекарскага дагляду абвінавачанага.

Суд пастанавіў, што здароўе 89-гадовага генерала дазваляе яму ўдзельнічаць у працэсе.

Нагадаем, у 2007 годзе следчы аддзел Інстытуту нацыянальнай памяці (IPN) абвінаваціў дзевяць членаў камуністычных уладаў, у падрыхтоўцы ўвядзення ваеннага становішча ў ПНР у ноч з 12 на 13 снежня 1981 года.

Падчас працяглага працэсу, некаторыя з абвінавачаных памерлі. У 2011 годзе з-за дрэннага стану здароўя суд прыпыніў справу супраць генерала Войцэха Ярузэльскага, які памёр у 2014 годзе. Канчаткова з усіх у 2012 годзе быў асуджаны толькі Чэслаў Кішчак.

Суд пастанавіў, што ваеннае становішча было ўведзена „сакрэтнай злачыннай групай узброенага характару” пад кіраўніцтвам генэрала Войцэха Ярузэльскага.

www.radyjo.net

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: