Польшча. Паліцыянта асудзілі на 1,5 гады турмы за збіццё дэманстранта

На паўтары гады турмы з адтэрміноўкай на 3 гады і забарону выканання прафесіі на 8 гадоў асуджаны польскі паліцыянт, які на Дзень Незалежнасці ў 2011 годзе збіў аднаго з дэманстрантаў.



Паліцыянат збівае ўдзельніка дэманстрацыі 11 лістапада 2011 года


Падчас дэманстрацыі правых і праварадыкальных арганізацый 11 лістапада ў Варшаве адбыліся сутычкі з леварадыкальнымі польскімі і нямецкімі групоўкамі. У цэнтры гораду адбываліся сутыкненні з паліцыяй.

Паводле Варшаўскага акружнога суда, паліцыянт перакрочыў свае паўнамоцтвы. На відэаздымках, якія сталі доказам па гэтай справе, бачна, як супрацоўнік праваахоўных органаў біў аднаго з дэманстрантаў па галаве, пінаў і выкарыстаў слёзацечны газ.

Суддзя падчас працэсу зазначыў, што паліцыянт меў права толькі затрымаць падазраванага ў правапарушэнні, выкарыстоўваючы прыёмы, якія не наносяць цялесных пашкоджанняў.

Прысуд пакуль не ўступіў у сілу.

radyjo.net

Хочаце ведаць больш? Сачыце за нашымі публікацыямі ў Telegram і Facebook!