Польшча. За перавышэнне хуткасці можна страціць правы кіроўцы

Рашэнне пра канфіскацыю вадзіцельскіх правоў будзе прымаць на месцы паліцыянт.



Ад 17 траўня кіроўцы, якія перакрочаць дазволеную хуткасць у населеных пунктах на 50 км/г, могуць на 3 месяцы страціць правы. Новыя правілы, якія ўвойдуць у гэты дзень у жыццё, узманяюць таксама адказнасць за язду ў нецвярозым стане.

Дыскусія пра правапарушальнікаў на дарогах аднавілася на пачатку мінулага года, пасля трагічнага здарэння ў Камені Паморскім. П’яны вадзіцель збіў 6 чалавек, сярод якіх было 9-гадовае дзіця. Усе загінулі.

Пасля гэтага міністэрствы юстыцыі, інфраструктуры і ўнутраных справаў пачалі працаваць над папраўкамі ў закон. 


Рашэнне пра канфіскацыю вадзіцельскіх правоў будзе прымаць на месцы паліцыянтаў.

Калі такая асоба будзе спыненая другі раз, то тэрмін канфіскацыі правоў будзе працягнуты на 6 месяцаў. А ў выпадку паўтарэньня ў кіроўцы могуць адняць правы. 


Таксама на 3 месяцы правы могуць згубіць вадзіцелі, якія перавозяць вялікую колькасць людзей.

Больш жорсткім робіцца пакаранне за язду ў п’яным выглядзе. Такім кіроўцам паліцыя зможа ўсталёўваць блакады ў аўтамабілях.

www.radyjo.net

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: