Польшча. 50 гадоў лепшай камедыі

У Польшчы адзначылі пяцідзесяцігоддзе выхаду на экраны фільма «Усе свае» («Sami swoi») рэжысёра Сільвестара Хенчынскага. Гэты фільм лічыцца самай лепшай польскай камедыяй усіх часоў.
Кадр з фільму  "Sami swoi"

Кадр з фільму  "Sami swoi"

Калі ў 1967-м фільм выйшаў на экраны, поспех быў настолькі значным, што давялося здымаць яшчэ два эпізоды. «Sami swoi» — гэта фільм пра сялян і іх побыт.

У аснове сюжэту палягае канфлікт дзвюх сем’яў — рэпатрыянтаў з усходніх Крэсаў. Сем’і Паўлякаў і Каргулёў — адвечныя ворагі, якія супернічаюць ва ўсім, хаця жывуць побач. Нягледзячы на такую нескладаную інтрыгу, фільм стаў культавым.

У Польшчы ёсць музей, прысвечаны фільму. Месцы, дзе здымалася карціна, прыцягваюць турыстаў. Ёсць нават помнікі героям.

Нельга не прайсці міма аднаго кур’ёзу: Хенчынскі пасля прызнаваўся, што вырашыў зняць «Sami swoi» паводле вельмі прагматычных матываў. За мяжу сацыялістычнай Польшчы было патрапіць цяжка, але туды выпускалі рэжысёраў карцін на розныя фестывалі.

І сапраўды, дзякуючы поспеху «Sami swoi» рэжысёр пабачыў свет. Апошні фільм у трылогіі на грошы польскай дыяспары здымаўся ў ЗША, паездка куды была амаль недасягальнай марай рэзідэнтаў краін Усходняга блоку.

Паводле польскай прэсы


Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Алег Грушэцкі
  • 2017-09-22 19:37:07
Насамрэч шыкоўная народная камедыя :)
  • фцф
  • 2017-09-22 21:06:30
Нават ня чуў пра такую. У нашым клубе яе не круцілі.

Больш цікавага на «Новым Часе»: