Польшча. Ці з’явіцца нацыянальная «Гульня тронаў»?

У Польшчы зноў перанеслі прэм’еру 60-серыйнай «Карона каралёў». Фільм павінен быў стаць польскім адказам на «Гульню тронаў».

Праўда, у польскай версіі гаворка не пра казачных персанажаў, а пра сапраўдных гістарычных асобаў — польскага караля Казіміра і яго атачэнне.

Праект быў запушчаны два гады таму і адразу падаваўся яго аўтарамі як прарыў у гісторыі польскага кіно. Дастаткова згадаць, што гэта самы буйны праект на польскім тэлебачанні посткамуністычных часоў. Аднак у выніку нешта не спрацавала.

Фота viva.pl

Фота viva.pl


Фільм, які абяцалі паказаць яшчэ ўвесну, а пасля перанеслі прэм’еру на восень, зноў вырашылі дапрацаваць. На думку шмат каго, прычына банальная — да стандартаў «Гульні тронаў» фільм «Карона каралёў» недацягвае.

Цікава, што некаторыя гісторыкі патрабавалі паказаць у фільме ўсю гістарычную праўду, у тым ліку заляцанні старога Казіміра да маладых дзяўчат. Так ці інакш, ужо абвешчана, што цяпер прэм’еру серыялу трэба чакаць у студзені.

Паводле польскай прэсы


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: