Польшча для барацьбы з COVID хоча прыцягнуць лекараў з Беларусі

У Польшчы хочуць павялічыць колькасць лекараў, якія былі задзейнічаныя ў барацьбе з эпідэміяй каронавіруса, і маюць намер прыцягнуць больш за тысячу замежных спецыялістаў, у першую чаргу з Украіны і Беларусі.


Пра гэта паведаміў намеснік міністра аховы здароўя краіны Славамір Гадамскі. Чыноўнік распавёў, што колькасць койка-месцаў для хворых каронавірусам ў Польшчы будзе павялічвацца, у тым ліку за кошт часовых шпіталяў. Адпаведна, неабходна і больш лекараў. У барацьбу з эпідэміяй ўключацца і прыватныя медцэнтры са сваімі койка-месцамі і персаналам, перадае REFORM.by.

«Мы таксама хочам прыцягнуць да працы замежных лекараў. Мяркуем, што больш за тысячу чалавек. Таксама многія замежныя лекары ўжо знаходзяцца ў працэсе настрыфікацыі дыплома. Гэтыя людзі змогуць хутчэй пачаць працаваць у Польшчы», — сказаў Гадомскі.

З яго слоў, у першую чаргу Польшча разлічвае на лекараў з Беларусі і Украіны з прычыны меншага моўнага бар’ера. Найбольш запатрабаванымі будуць спецыялісты па неадкладнай медыцыне і анестэзіёлагі.

На пытанне, наколькі можна прыцягваць лекараў з краін, дзе яны таксама неабходныя, намеснік міністра аховы здароўя адказаў, што значная частка такіх спецыялістаў ужо знаходзіцца ў Польшчы.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: