Польшча. Падвоеная дэкамунізацыя

Здзіслаў Сіпера, мазавецкі ваявода, найбольш заўзята падышоў да тапаграфічнай рэформы, якую праводзіць кіруючая кансерватыўная партыя «Права і справядлівасць» (PiS) з мэтай дэкамунізацыі назваў.

 Ваявода склаў свой варыянт новых назваў вуліц на падкантрольнай яму тэрыторыі, куды, у тым ліку, уваходзіць і Варшава. Пры гэтым чыноўнік ігнараваў тое, што мясцовыя ўлады ўжо змянілі многія назвы вуліц.

На выхадзе атрымалася, што ў адным і тым жа горадзе розныя вуліцы носяць ідэнтычныя назвы. Напрыклад, у цэнтры Варшавы пасля рашэння ваяводы могуць з’явіцца дзве вуліцы імя Леха Качыньскага.

Сталічная мэрыя ўжо падала ў суд на ваяводу. Найбольш уважліва за яго ініцыятывай сочаць таксісты, якія баяцца, што наяўнасць вуліц з аднолькавай назвай прывядзе да хаосу ў іх працы.

Паводле польскай прэсы


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: