Польшча стварае дывізію за $7 млрд са штабам непадалёк ад Беларусі

Новая адзінка ў польскім войску пад назвай «18» будзе кантраляваць «гістарычныя кірункі нападу на Польшчу з усходу», паведамляе Gazeta Wyborcza.
ru.depositphotos.com

ru.depositphotos.com

Да 2026 года ў польскім войску будзе створаная новая дывізія. Яна стане «адказам на агрэсіўную палітыку Расіі», заявіў польскі віцэ-міністр абароны. Кошт стварэння і ўтрымання дывізіі цягам 10 гадоў складзе 7 млрд долараў.

Да гэтай пары ў Польшчы дзейнічаюць тры дывізіі: у Жагані (паўднёва-заходняя частка краіны), Шчэціне (паўночны захад) і Эльблонгу (паўночны ўсход). Новая дывізія размесціцца ў Седльцах, на ўсходзе Польшчы, за 70 км ад беларускай мяжы. Яна будзе называцца «18» — у гонар аднаўлення польскай незалежнасці ў 1918 годзе.

Як сказаў віцэ-міністар абароны Войцэх Скуркевіч, у мірны час у дывізіі будзе 7780 вайскоўцаў, з якіх 750 павінны быць афіцэрамі. У канцы фармавання яна мае складацца з трох брыгад. Дзве з іх ужо ёсць сёння. Трэцяй стане брыгада ў Любліне. Яе задачай мае быць кантроль тэрыторыі ад Берасця да гораду Пшэмысл, або, як сказаў польскі віцэ-міністар, «гістарычных кірункаў нападу на Польшчу з усходу».

Паводле польскага генерала Томаша Пятроўскага, на гэтай тэрыторыі павінны размяшчацца буйныя вайсковыя адзінкі, бо дапамога NATO будзе канцэнтравацца ў паўночна-заходняй Польшчы.

Польская апазіцыя назвала гэтае рашэнне «прапагандысцкім» і прынятым з парушэннем закону.

nn.by

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Anatol Starkou
  • 2018-11-21 19:17:11
Понятно, что это словесная игра военных. Понятно, что Россия и мы не хотим отвечать на "форт Трамп". Понятно, что вместе с Россией ответим, если "форт" и вот эта тема «18» будут осуществлятся наяву.

Непонятно почему наши незалежныя бел-чырвона-белыя СМИ подтанцовывают тем коллегам-белорусам, которые служат на Белсат и Хартии97. Неужели вам неясно, что ни один поляк до сих пор не простил и не забыл 17 сентября 1939 года?! Так вот змагары, если бы бел-чырвона-белыя победили в 1994, то по-крайней мере половина Беларуси уже была бы под Польшей - тая палова, якую далучыў да нас тады Сталін.