Porsche хоча выпускаць паветраныя таксі

Ужо бліжэйшым часам аўтаканцэрн Porsche можа прадставіць эскізы новага транспартнага сродку. У кампаніі паведамілі, што перасоўванне на такім транспарце будзе ў 10 разоў хутчэйшым, чым на аўто.

Кампанія зацікавілася лятальнымі апаратамі.

Германскі аўтаканцэрн “Porsche” абдумвае магчымасць вытворчасці беспілотных лятальных апаратаў для паветранай перавозкі людзей. Пра гэта заявіў дырэктар кампаніі па продажах Дэтлеў фон Платэн у інтэрв'ю часопісу “Automobilwoche”.

Па словах топ-менеджара, выкарыстанне дронаў дазволіла б скараціць час у шляху з Цуфенхаўзена (раёна Штутгарта, дзе размешчана штаб-кватэра канцэрна) да аэрапорта Штутгарта да 3,5 хвіліны ў параўнанні з цяперашнімі 30 хвілінамі на аўтамабілі.

"Нас цікавіць тэма трэцяга вымярэння. Я магу сабе ўявіць, што Porsche можа пайсці па гэтым шляху", — заявіў Платэн. Ужо бліжэйшым часам аўтаканцэрн можа прадставіць эскізы новага транспартнага сродку.

Гаворка можа ісці пра дронаў, якімі пасажыры змогуць кіраваць самастойна. "Аўтамабілем Porsche вы кіруеце самі. Тое ж самае можа быць і ў выпадку з дронам, але без неабходнасці атрымліваць ліцэнзію пілота, бо прылада можа шмат што рабіць самастойна", — адзначыў Платэн.

Ён таксама не выключыў, што такія паветраныя таксі можна будзе выкарыстоўваць у тым ліку ў густанаселеных раёнах.

Паводле korrespondent.net

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: