Пуцін ухваліў дамову аб расійска-армянскай ваеннай групоўцы

Пуцін падтрымаў стварэнне групоўкі войскаў Расіі і Арменіі ў Каўказскім рэгіёне. З яе дапамогай краіны плануюць забяспечыць бяспеку на агульнай мяжы.

Саргсян і Пуцін. Фота RIA NOVOSTI


Камандуючага групоўкай будзе прызначаць прэзідэнт Арменіі Серж Саргсян па ўзгадненні з Уладзімірам Пуціным.

Кіраўнік Расіі распарадзіўся прыняць прапанову расійскага кабінета міністраў аб падпісанні адпаведнага пагаднення з Арменіяй. Ён таксама даручыў Мінабароны і МЗС правесці перамовы з армянскім бокам і па дасягненні дамоўленасці падпісаць дакумент ад імя Расіі.

Пуцін таксама дазволіў уносіць у праект пагаднення, ухвалены расійскім урадам, змены, якія не маюць "прынцыповага характару".

Распараджэнне Уладзімір Пуцін падпісаў яшчэ 12 лістапада, але на партале прававой інфармацыі яго апублікавалі толькі ў панядзелак.

Краіны заключаюць пагадненне на пяць гадоў, але могуць аўтаматычна падоўжыць.


"Не накіравана супраць трэціх дзяржаў"


Згодна з дакументам, Расія і Арменія ідуць на такое супрацоўніцтва для забеспячэння бяспекі ў Каўказскім рэгіёне, рэагавання на агрэсію і іншыя выклікі і для падтрымання бяспекі на мяжы.

Склад групоўкі войскаў вызначаць міністэрства абароны Расіі і Арменіі, з улікам "накіраванасці патэнцыйных пагроз" і ваенна-палітычнага становішча. Планаваць прымяненне групоўкі будуць Генштабы краін. Кіраваць ёй будзе аб'яднанае камандаванне на чале галоўнакамандуючым, якога прызначыць вярхоўны галоўнакамандуючы Арменіі — прэзідэнт краіны — па ўзгадненні з расійскім вярхоўным галоўнакамандуючым.

Групоўка павінна будзе выкрываць падрыхтоўку ўзброеных нападаў супраць Расіі ці Арменіі ў межах рэгіёну, прыкрываць межы краін у Каўказскім рэгіёне як у сухапутнай часткі, так і ў паветрана-касмічнай прасторы.

У праекце пагаднення гаворыцца, што яно не накіравана супраць трэціх дзяржаў.

Між тым у рэгіёне ўжо амаль 30 гадоў доўжыцца ўзброенае супрацьстаянне паміж Азербайджанам і Нагорным Карабахам, што адкалоўся ад яго і які падтрымлівае Арменія.

У апошнія гады адбылося некалькі сур'ёзных узброеных сутыкненняў на лініі судакранання бакоў. У красавіку ў Нагорным Карабаху адбыліся самыя жорсткія за апошнія 22 гады баі — загінулі сотні людзей.

Арменія сцвярджае, што не прымае прамога ўдзелу ў канфлікце, Азербайджан з такім меркаваннем катэгарычна не згодны.

Турцыя раней не раз заяўляла, што падтрымлівае ў супрацьстаянні Азербайджан.


Паводле ВВС



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: