Расія. Хто замовіў барацьбу за мараль?

Расійскія СМІ раптоўна зацікавіліся пытаннем маралі: сінхронна выкрываюць дзяўчат, якія вырашылі правесці ноч з замежнымі футбольнымі заўзятарамі.

Малюнак Андрэя Тарусава. lifeonphoto.com


Між тым, шэраг апазіцыйных сайтаў лічаць, што крыжовы паход за маральнае аблічча расійскай жанчыны арганізаваў Крэмль.

«Прапагандысцкая машына Крамля ўжо які месяц старанна ўкідае ў грамадства фальшывыя скандалы. Мэта іх — адцягнуць насельніцтва ад чарговага рабавання (павышэнне пенсійнага ўзросту, павелічэнне ПДВ, рост пошліны за афармленне дакументаў і іншае)», — піша адзін з піцерскіх журналістаў.

Але самае цікавае яшчэ наперадзе, калі Дзярждума пачне разглядаць скандальны законапраект пра павышэнне пенсійнага ўзросту.

Паводле дзіўнага збегу абставінаў, ён выпадае на 16 ліпеня — стагоддзе з дня забойства імператара Мікалая ІІ. У сувязі з гэтым чакаецца папросту неверагодны ажыятаж вакол круглай даты. «Адны будуць ірваць кашулі, бароды і пэйсы, патрабуючы каяцца, іншыя іх пасылаць... А ў Дзярждуме тым часам прагаласуюць», — прагназуюць у незалежных СМІ.

Паводле расійскай прэсы

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Кетцаль
  • 2018-07-10 14:05:37
Копание в фекальных СМИ и перепечатка со своими извращенными фантазиями. На нациков насмотрелись у соседей. Очень рельефно.

Каментаваць