Расія. Навошта Жырыноўскі выў ваўком?

У праграме «Вечар з Уладзімірам Салаўёвым» 28 сакавіка лідар ЛДПР Уладзімір Жырыноўскі назваў неардынарны спосаб пазбегнуць Трэцяй сусветнай вайны. Ён прапанаваў кіраўнікам ЗША, Кітая і Расіі выць па-ваўчынаму, і таксама прадэманстраваў уласныя навыкі ў гэтай галіне.
youtube

youtube

Такая незвычайная выхадка выклікала ў прысутных на шоу істэрычны смех, а ў інтэрнэце — дэбаты наконт прыроды незвычайнага перфоманса.

Вядома, шмат людзей ставяць Жырыноўскаму медыцынскія дыягназы. Аднак некаторыя дапускаюць, што той свядома шакаваў аўдыторыю. Яго енк у тэлеэфіры адразу выклікаў цікавасць простых людзей да яго персоны і да яго партыі ліберал-дэмакратаў напярэдадні восеньскіх думскіх выбараў.

Нарэшце, самая арыгінальныя версія — падазраюць, што Жырыноўскі проста вырашыў дыскрэдытаваць расійскі палітыкум у вачах усяго свету ў рамках асабістай помсты Пуціну за нядаўні арышт блізкага да ліберал-дэмакратаў бізнесоўца.

Паводле расійскай прэсы


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: