Расія. Невядомыя ў масках напалі на школу

У Пермі на школу № 127 здзейснены напад. Паводле непацверджаных звестак, настаўнік і некалькі вучняў чацвёртага класа знаходзяцца ў закладніках.
Фота: Антон Беліцкі / ТАСС

Фота: Антон Беліцкі / ТАСС

Пра гэта паведамляе РБК са спасылкай на дырэктара школы.

Як мяркуецца, гаворка ідзе пра напад двух мужчын у масках на навучэнцаў школы. Відавочцы паведамляюць, што цяпер навучальная ўстанова ачэплена, на месцы працуюць супрацоўнікі праваахоўных органаў, дзяцей эвакуіравалі ў бліжэйшы гандлёвы цэнтр.

Пры інцыдэнце восем вучняў і адна настаўніца атрымалі нажавыя раненні, паведаміла Міністэрства тэрытарыяльнай бяспекі Пермскага краю. На іх «напалі невядомыя», перадае «РІА Новости» паведамленне ведамства.

Паводле дадзеных рэгіянальнага Міністэрства аховы здароўя, двое пацярпелых — педагог і шаснаццацігадовы школьнік — знаходзяцца ў цяжкім стане. Ім праводзяць аперацыі.

Падазраваных ужо затрымалі. Іх матывы высвятляюцца.



Як піша 59.ru, ахоўнікам у школе была дзяўчына, яна не магла спыніць злачынцаў.

Кіраўнік горада Дзмітрый Самойлаў і іншыя прадстаўнікі адміністрацыі экстранна выехалі ў школу.



Паводле "Рускай службы "Радыё Свабода", www.rbc.ru, ria.ru




Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: