Расія. Пуцін пазелянее?

У адміністрацыі кіраўніка Расіі вырашылі звярнуць увагу на экалагічную тэматыку.

Акцыя ў Празе. 14 скаваіка 2016 года. Фота з сайта news.online.ua


Адной з асноўных прычын такой увагі сталі апошнія пратэсты, звязаныя з «зялёнымі» праблемамі. У цэлым шэрагу рэгіёнаў заклапочанасць станам навакольнага асяроддзя выводзіць людзей на вуліцы.

Найбольшы рэзананс — нават федэральнага маштабу — выклікаюць «смеццевыя» пратэсты.

У Крамлі абмяркоўваецца некалькі варыянтаў таго, як рэагаваць на экалагічны выклік. Адна з ідэяў — стварэнне новай партыі, якая б займалася «зялёнай» праблематыкай, і пры гэтым працавала ў канструктыўным дыялогу з уладай.

Як варыянт, можна «перазагрузіць» ужо існуючую Расійскую экалагічную партыю «Зялёныя», але тое праблемы не вырашае. Практычна ўсе больш-менш вядомыя экалагічныя актывісты апазіцыйна настроеныя на адрас Пуціна, а яркіх лаяльных уладзе фігураў, якія маглі б займацца экалагічнай тэматыкай, няма.

Паводле расійскай прэсы



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!