Расія. У Дзярждуму ўнеслі законапраект аб разблакіроўцы Telegram

Законапраект аб прызнанні Telegram «афіцыйным сэрвісам» дзяржорганаў унеслі ў Дзярждуму РФ.


У Дзярждуму ўнеслі законапраект аб разблакіроўцы месенджара Telegram у краіне, дакумент апублікаваны ў базе даных ніжняй палаты парламента.

Аўтары дакумента ў тлумачальнай запісцы адзначаюць, што месенджар у Расіі даступны для ўстаноўкі і працягвае працаваць, нягледзячы на рашэнне пра блакаванне.

Акрамя таго, падчас эпідэміі COVID-19 чыноўнікі «выкарыстоўваюць месенджар Telegram афіцыйна як адзін са сваіх асноўных інфармацыйных рэсурсаў у сетцы інтэрнэт», сказана ў тлумачальнай запісцы.

Аўтары законапраекта прапануюць таксама ўнесці ў закон «Аб сувязі» паняцце «афіцыйны сэрвіс». Такім яны прапануюць лічыць «сэрвіс, які выкарыстоўваюць дзяржаўныя органы і іх службовыя асобы для распаўсюджвання інфармацыі ў мэтах рэалізацыі сваіх паўнамоцтваў».

У канцы красавіка 2020 года аўтары дакумента казалі «Ведомостям», што «далейшае дэкларатыўнае блакаванне месенджара наносіць страты не яго развіццю, а прэстыжу дзяржаўнай улады».

Паводле meduza.io

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: