Рауль Кастра заявіў, што пакідае пасаду кіраўніка кампартыі

Чакаецца, што Камуністычную партыю Кубы ўзначаліць яго пратэжэ, піша golosameriki.com.



Рауль Кастра пацвердзіў, што сыходзіць з пасады кіраўніка Камуністычнай партыі Кубы — адзінай палітычнай партыі краіны. Рауль Кастра і яго нябожчык брат Фідэль кіравалі Кубай з 1959 года.

У сваёй прамове на з'ездзе Камуністычнай партыі, 89-гадовы Кастра заявіў, што ў новым партыйным кіраўніцтве павінны быць адданыя камуністы "поўныя жарсці і антыімперыялістычнага духу". З'езд праводзіцца кожныя пяць гадоў і праходзіць у закрытым рэжыме, некаторыя ўрыўкі выступленняў транслююцца па дзяржаўным ТБ.

У 2018 годзе Рауль Кастра перадаў пасаду прэзідэнта краіны свайму пратэжэ Мігелю Дыяс-Канелю. У прамове на з'ездзе ён назваў 60-гадовага Дыяс-Канеля прадстаўніком новага пакалення лідараў краіны.

Змена ўлады на Кубе праходзіць у перыяд самага цяжкага эканамічнага крызісу пасля распаду СССР —доўгачасовага спонсара рэжыму Кастра.

Многія аналітыкі перакананыя, што Кастра застанецца самай уплывовай фігурай на Кубе.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: