Развітанне з Сяргеем Дарэнкам адмянілася

Развітанне з галоўным рэдактарам радыёстанцыі «Гаворыць Масква» Сяргеем Дарэнкам 12 мая не адбудзецца. Паліцыя забараніла выдаваць цела ўдаве журналіста з-за неабходнасці правядзення паўторнай судова-медыцынскай экспертызы, паведамляецца на сайце радыёстанцыі.
tvzvezda.ru

tvzvezda.ru

Дарэнку павінны былі пахаваць на Траякураўскіх могілках, аднак пасля просьбы Ксеніі і Кацярыны Дарэнка (дачок журналіста ад першага шлюбу) было прынята рашэнне аб адмене пахавання. Як сцвярджаюць дзяўчыны, журналіст мог быць атручаны.

Па словах начальніка бюро судова-медыцынскай экспертызы, галоўнага судмедэксперта Масквы Сяргея Шыгеева, ускрыццё праводзілася ў дзень смерці журналіста. Устаноўлена, што ён памёр ад натуральных прычын.

Як раней заяўляла Кацярына Дарэнка, яна напісала заяву ў паліцыю з просьбай правесці праверку прычын смерці бацькі. Цяперашняя жонка Дарэнкі — «зацікаўленая асоба» ў смерці журналіста, заяўляла Кацярына.

Сяргей Дарэнка загінуў 9 траўня ў Маскве, знаходзячыся за рулём свайго матацыкла. Журналісту было 59 гадоў. Згодна з афіцыйным заключэннем судова-медыцынскай экспертызы, Дарэнка памёр ад разрыву аорты.

Пасля ДТЗ тэлеканал «360» апублікаваў відэакадры з месца здарэння. На кадрах бачна, што матацыкл, якім кіраваў Дарэнка, ехаў па крайняй правай паласе, аднак раптам выехаў на сустрэчную паласу і ўпаў.

rbc.ru

Хочаце ведаць больш? Сачыце за нашымі публікацыямі ў Telegram і Facebook!