СААЗ спыніла выпрабаванні трох прэпаратаў супраць COVID-19

Сусветная арганізацыя аховы здароўя (СААЗ) спыніла выпрабаванні супрацьмалярыйнага гідраксіхларахіна і прэпаратаў для носьбітаў ВІЧ лапінавір і рытанавір ў якасці сродкаў для лячэння пацыентаў з COVID-19.
Згодна з заявай, апублікаванай на сайце арганізацыі, гэтыя тры прэпарата толькі нязначна зніжаюць або зусім не ўплываюць на смяротнасць сярод заражаных каронавірусам.

СААЗ падкрэслівае, што рашэнне аб прыпыненні тэстаў тычыцца толькі міжнароднай праграмы Solidarity і не выключае ацэнкі дзейснасці прэпаратаў пры лячэнні пацыентаў, якія не былі шпіталізаваны, а таксама ў якасці прафілактыкі COVID-19.

У канцы траўня СААЗ на кароткі час прыпыняла выпрабаванні гідраксіхларахіна пасля публікацыі даследавання медыцынскім выданнем The Lancet. Тады ў арганізацыі вырашылі дачакацца дадзеных пра бяспеку выкарыстання прэпарата пры лячэнні COVID-19. Ужо 3 чэрвеня выпрабаванні былі адноўленыя.

interfax.by

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: