Саліст U2 Бона страціў голас на канцэрце ў Берліне

Ірландскі гурт U2 прыняў рашэнне адмяніць канцэрт у Берліне пасля таго, як яго саліст Бона страціў голас падчас выступу.
Інцыдэнт адбыўся ў суботу на стадыёне Mercedes-Benz Arena падчас канцэрту ў рамках сусветнага тура Experience + Innocence.

«Нам вельмі шкада, што канцэрт прыйшлося адмяніць. Бона быў у выдатнай форме, і яго голас быў у выдатным стане перад шоу, мы ўсе з нецярпеннем чакалі другой ночы ў Берліне, але пасля некалькіх песень ён зусім страціў голас», — гаворыцца ў заяве на сайце гурта.

Канцэрт павінен быў працягнуцца дзве гадзіны, але музыкам атрымалася выканаць толькі тры песні. На чацвёртай — Red Flag Day — Бона пачаў губляць голас.

Наступную песню Beautiful Day ён ужо не змог скончыць. Музыкант папрасіў прабачэння перад фанатамі. «Я думаю, нам не варта працягваць. Гэта няправільна ў адносінах да вас», — сказаў музыка. Бона абвясціў дзесяціхвілінны перапынак, каб зразумець, што адбылося, але так і не вярнуўся на сцэну.

Фанатам было абвешчана, што канцэрт адмяняецца. Бона паабяцаў, што група заплануе новае выступленне ў Берліне.

Большасць прыхільнікаў з разуменнем паставіліся да гэтай сітуацыі і падтрымалі музыканта апладысментамі і крыкамі «Бона, мы любім цябе». У сацыяльных сетках з'явіўся хэштэг #getwellbono — карыстальнікі жадаюць Бона хутчэйшага выздараўлення.

Прычына страты голасу спевака пакуль невядомая. У афіцыйнай заяве музыкаў гаворыцца, што да канцэрту Бона быў у выдатнай форме і не меў ніякіх праблем з голасам. Некаторыя фанаты выказалі здагадку, што справа магла быць у занадта моцнай працы дым-машын на канцэрце.

Гэта быў другі канцэрт U2 у Берліне ў рамках тура Experience + Innocence. Напярэдадні, 31 жніўня, першы канцэрт прайшоў без якіх-небудзь складанасцяў.

Бі-Бі-Сі

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: