Спецпрадстаўнік Дзярждэпа ЗША па Украіне падаў у адстаўку

Спецпрадстаўнік Дзярждэпартамента ЗША па пытаннях Украіны Курт Волкер падаў у адстаўку, піша CNN.
Курт Волкер

Курт Волкер

Такое развіццё падзей адбылося на фоне скандалу вакол тэлефоннай размовы прэзідэнтаў ЗША і Украіны — Дональда Трампа і Уладзіміра Зяленскага.

Волкер падаў у адстаўку праз дзень пасля публікацыі тэксту скаргі неназванага супрацоўніка амерыканскіх спецслужб, якая тычыцца гутаркі лідараў Украіны і ЗША.

У скарзе згадвалася імя Волкера.

Волкер стаў ключавым гульцом у скандале вакол скаргі інфарматараў, якая тычыцца тэлефоннага званка Трампа 25 ліпеня прэзідэнту Ўкраіны Уладзіміру Зяленскаму, падчас якой Трамп аказаў ціск на Украіну, каб правесці расследаванне ў дачыненні да былога віцэ-прэзідэнта Джо Байдэна і яго сына Хантера. CNN раней паведамляў, што Зяленскі жартаваў з Волкерам аб Рудзі Джуліяні, асабістым адвакаце Трампа, які таксама з'яўляецца ключавым гульцом у скандале, да таго, як быў зроблены тэлефонны званок.

Пазней Волкер арганізаваў сустрэчу паміж Джуліяні, які быў зацікаўлены ў тым, каб Украіна расследавала справы Джо і Хантера Байдэна, і дарадцам Зяленскага, каб вывесці пытанне Байдэна з афіцыйных перамоваў.

Няма ніякіх доказаў здзяйснення правапарушэння ні Джо, ні Хантэрам Байдэнам.

Паводле nn.by, cnn.com

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: