Старшыня Сената Казахстана Касым-Жамарт Такаеў стаў прэзідэнтам краіны

Старшыня Сената Казахстана Касым-Жамарт Такаеў прынёс прысягу заняў пасаду прэзідэнта краіны. Ён будзе кіраўніком дзяржавы на астатні тэрмін паўнамоцтваў выбранага прэзідэнта Нурсултана Назарбаева, які заканчваецца ў красавіку 2020 года
Zakon.kz

Zakon.kz

На сумесным пасяджэнні палат парламента Такаеў прынёс прысягу прэзідэнта народу краіны. "Урачыста клянуся верна служыць народу Казахстана, строга прытрымлівацца Канстытуцыі і законам Рэспублікі Казахстан, гарантаваць правы і свабоды грамадзян, добрасумленна выконваць ускладзеныя на мяне высокія абавязкі прэзідэнта Рэспублікі Казахстан", — сказаў ён.

Такаеў стаў прэзідэнтам Казахстана на астатні тэрмін паўнамоцтваў выбранага прэзідэнта, які заканчваецца ў красавіку 2020 года.

Кіраўнік Цэнтральнай выбарчай камісіі (ЦВК) Казахстана Берык Імашаў у сераду ўручыў Касым-Жамарту Такаеву пасведчанне прэзідэнта, нагрудны знак, штандар і ордэн "Алтын Кыран".

У аўторак лідар нацыі Нурсултан Назарбаеў, які кіраваў краінай амаль 30 гадоў, абвясціў, што з 20 сакавіка спыняе свае паўнамоцтвы прэзідэнта Казахстана.

У адпаведнасці з Канстытуцыяй, паўнамоцтвы прэзідэнта рэспублікі ў выпадку адстаўкі абранага прэзідэнта пераходзяць да старшыні сената з моманту прынясення ім прысягі народу Казахстана. Асоба, якая прыняла на сябе паўнамоцтвы прэзідэнта рэспублікі па такіх падставах, не мае права ініцыяваць змены і дапаўненні ў Канстытуцыю краіны.

Такаеў нарадзіўся 17 мая 1953 года, скончыў Маскоўскі дзяржаўны інстытут міжнародных адносін, Пекінскі лінгвістычны інстытут (КНР), Дыпламатычную акадэмію МЗС РФ, спецыяліст-міжнароднік, доктар палітычных навук. Валодае ангельскай, кітайскай і французскай мовамі. Дыпламатычны ранг — надзвычайны і паўнамоцны пасол.

Працаваў па спецыяльнасці ў цэнтральным апараце МЗС СССР, у замежных прадстаўніцтвах. Пазней займаў пасады намесніка міністра і міністра замежных спраў, а таксама прэм'ер-міністра Казахстана.

Паводле interfax.ru

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: