Сусветная карыкатура: лепшае за 2018 год

Апошні дзень года: час падводзіць вынікі і рабіць высновы. Якім убачылі сабачы 2018-ы мастакі замежных СМІ — у нашым дайджэсце сусветнай карыкатуры.



Пачатак года адзначыўся эскалацыяй сітуацыі на карэйскім паўвостраве — следства рэалізацыі атамнай праграмы КНДР. Зрэшты, у выніку ўсё абышлося. Больш за тое, Паўночная і Паўднёвыя Карэі выступілі на зімовай Алімпіядзе адной камандай, а Трамп і Кім неўзабаве правялі саміт. Незвычайную сцэну амерыканска-карэйскага кахання праілюстравала мексіканскае выданне El Unviersal.

Вясна не прынесла міру на міжнародных франтах. 4 сакавіка ў Солсберы (Вялікабрытанія) былы супрацоўнік ГРУ Сяргей Скрыпаль і яго дачка Юлія былі атручаны нервова-паралітычным рэчывам «Навічок». Лондан, якога падтрымаў Захад, абвінаваціў у датычнасці да гэтага Расію. Масква абвінавачванні катэгарычна адхіляла. Так ці інакш выбухнуў дыпламатычны канфлікт, які пашырыў чуткі пра новую халодную вайну і масу карыкатур на тэму расійскай хімічнай зброі. Адну з іх — пра яд пад назвай «Пуцінімум» — апублікавала шведская Sudsvenskan.

Чэрвеньскі чэмпіянат свету па футболе ў Расіі стаў адной з самых яркіх падзей 2018-га. У выніку перамогу святкавалі французы, якія ўпэўнена перайгралі харватаў. На малюнку газеты Lauzan (Чылі) певень — сімвал Францыі — забірае галоўны прыз у сабак-далмацінаў (Далмація — частка Харватыі).
Восеню ўсё часцей пачалі гаварыць пра хуткі сусветны эканамічны крызіс. Адным з драйвераў негатыўных прагнозаў стала беспрэцыдэнтная гандлёвая вайна паміж Кітаем і ЗША. Дуэль Трампа з кітайскім цмокам натхніла выданне Simanca (Бразілія).

Пачатак зімы прайшоў пад знакам бунта «жоўтых камізэлек» у Францыі. Маштаб пратэстаў ужо дазваляе казаць пра сістэмны крызіс у краіне, які можа ператварыцца ў агульнаеўрапейскі. Крытычны стан, у які трапіла сёння Францыя, праілюстраваў мастак бельгійскага выдання De Standart.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: