Швецыя. Модна быць антыфеміністкай

Кансерватыўная хваля ўсё мацней накрывае Еўропу, у тым ліку і Швецыю.

Фота sweden.ru

Яшчэ нядаўна гэтая скандынаўская краіна знаходзілася ў авангардзе прагрэсіўных працэсаў. Хіба толькі ў Швецыі партыя феміністак магла набіраць 4 працэнты на парламенцкіх выбарах.

Аднак зараз назіраюцца зваротныя з’явы. Іх сведчаннем стаў незвычайны праект 24-гадовай журналісткі Грэты Турфіел.

Яна заснавала выданне, якое рэкламуе стыль класічных хатніх гаспадынь. Пры гэтым рэкламуючы стыль жанчын, якія цалкам прысвяцілі сябе сям’і, мужу і дзецям, яна актыўна выкарыстоўвае моладзевы слэнг, даказваючы, што быць феміністкай — «не крута».

З улікам папулярнасці яе праекту можна казаць пра тое, што яна сапраўды транслюе настроі значнай часткі моладзі. У тым ліку многія згаджаюцца з Турфіел у тым, што роўнасць у правах з мужчынамі прымушае жанчыну шмат працаваць, пазбаўляе вольнага часу, а гэта скарачае, адпаведна, і час на барацьбу за свае правы.

Праўда, міф пра хатнюю гаспадыню ўтапічны ва ўмовах цяперашняй мадэлі капіталізму.

Таму антыфеміністкі наўрад ці стануць хатнімі гаспадынямі, а вось электарат правых партый яны дакладна папоўняць.

Паводле брытанскай прэсы



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: