«Талібан» дазволіў жанчынам вучыцца ва ўніверсітэтах. Але толькі ў хіджабах і асобна ад мужчын

Жанчыны ў Афганістане змогуць аднавіць вучобу ў вышэйшых навучальных установах. Пра гэта 12 верасня заявіў міністр вышэйшай адукацыі ў Афганістане ва ўрадзе руху «Талібан» Абдул Бакі Хакані, перадае «Аль-Джазіра».
Shutterstock

Shutterstock

Па словах Хакані, жанчыны ў Афганістане будуць вучыцца асобна ад мужчын. Як адзначае «Бі-бі-сі», пры папярэднім афганскім урадзе практыка паасобнага навучання была распаўсюджаная толькі ў школах, ва ўніверсітэтах жанчыны вучыліся разам з мужчынамі.

Таксама, заявіў міністр, для студэнтак увядуць дрэс-код з абавязковым нашэнне хіджабаў. Пры гэтым невядома, ці азначае гэта, што студэнткам трэба будзе хаваць твар.

Там, дзе гэта магчыма, выкладаць у студэнтак будуць жанчыны. Мужчын таксама могуць прыцягваць да навучання, але яны змогуць працаваць толькі з-за заслоны, заявіў Хакані.

meduza.io

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: