Тэракт у Квебеку. Падчас страляніны ў мячэці загінулі 6 чалавек

Як мінімум шэсць чалавек сталі ахвярамі нападу на мячэць у канадскай правінцыі Квебек, яшчэ васьмёра параненыя, паведаміла ў панядзелак мясцовая паліцыя.

Фота REUTERS

У ноч на панядзелак па нашым часе невядомыя ўварваліся ў мячэць падчас вячэрняй малітвы і адкрылі там страляніну. Паводле СМІ, на той момант там знаходзілася каля 40 чалавек. Раней паведамлялася, што па розных дадзеных, загінулі ад двух да пяці чалавек, адзначае www.interfax.ru

Прэм'ер-міністр Канады Джасцін Трудо і ўлады Квебека класіфікавалі здарэнне як тэрарыстычны акт.

Квебекская паліцыя паведаміла ў "Твітары", што цяпер сітуацыя знаходзіцца пад кантролем, усе, хто знаходзіўся ў мячэці, былі эвакуяваныя, адзначае ВВС.

Паводле інфармацыі заходніх СМІ, супрацоўнікі паліцыі затрымалі двух падазраваных.

Адзін з відавочцаў раней паведаміў “Рэйтар”, што на мячэць здзейснілі напад тры ўзброеныя чалавекі. Паліцыя пакуль не выключае магчымасці таго, што трэці нападнік здолеў схавацца.

На дадзены момант матывы нападнікаў невядомыя.



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: