Трамп: масавай дэпартацыі нелегальных імігрантаў не будзе. Пакуль

Прэзідэнт ЗША Дональд Трамп заявіў, што масавыя затрыманні і дэпартацыя нелегальных імігрантаў, пачатак якіх быў запланаваны на 23 чэрвеня, адкладаюцца на два тыдні, перадае Радыё Свабода.
delo.ua

delo.ua

Як заўважыў Трамп, ён пагадзіўся на затрымку «па просьбе дэмакратаў», а канкрэтна — у выніку тэлефоннай размовы са спікерам Палаты прадстаўнікоў Нэнсі Пэласі.

Тым не менш, падкрэсліў прэзідэнт, першапачатковы план будзе рэалізаваны, калі па заканчэнні двухтыднёвага тэрміну «абедзве партыі ў Кангрэсе» не знойдуць рашэння крызіснай сітуацыі, якая склалася на паўднёвай мяжы.

Адміністрацыя, сярод іншага, дамагаецца ад дэмакратаў згоды на ўзмацненне жорсткасці правіл прадастаўлення палітычнага прытулку мігрантам з Цэнтральнай Амерыкі і палягчэння парадку іх высылкі з краіны. Да гэтага часу дэмакраты адпрэчвалі гэтыя патрабаванні, называючы іх «антыгуманнымі».

Выказваюцца засцярогі, што парламентарам можа не хапіць часу на выпрацоўку рэзалюцыі з-за перапынку ў працы Кангрэсу ў сувязі са святкаваньнем Дня незалежнасці.

На наступным тыдні ў абедзвюх палатах Кангрэса намечана галасаванне па рэзалюцыі аб выдзяленні 4,5 мільярдаў даляраў на паляпшэнне ўмоў часовага ўтрымання незаконных мігрантаў у спецыяльных прыёмніках.

У траўні памежнікі перахапілі на мяжы з Мексікай больш за 129 тысяч мігрантаў, якія не мелі дазволу на ўезд у ЗША.

svaboda.org

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: