Туркменістан. У краму — толькі з даведкай

Туркменістан давёў, што застаецца лідарам у галіне прымусовых адміністратыўных практык сярод постсавецкіх рэспублік.

Фота infoabad.com

Як піша прэса, у некаторых райцэнтрах краіны набыць прадукты цяпер можна толькі з даведкай пра тое, што пакупнік не мае запазычанасці за камуналку. 

Тое, што ўлада толькі зараз дадумалася да такога незвычайнага прыёму барацьбы з неплацельшчыкамі, тлумачаць сітуацыяй на прадуктовым рынку. Краіна ўжо некалькі месяцаў пакутуе на дэфіцыт мукі, што выклікала рост цэнаў як на муку, так і на хлеб. 

Яшчэ раней былі ўведзеныя нормы продажу на згаданыя тавары. Напрыклад, хлебу можна набыць не больш 4 боханаў у адны рукі. 

Аднак падаецца, гэта не мяжа. Незалежная прэса піша, што рыхтуюцца інспектары, якія будуць правяраць запасы прадуктаў у насельніцтва. Калі ў сям’і прадуктаў выявяць больш за норму, лішкі будуць канфіскоўваць.

Паводле ўзбекскай прэсы 

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: