Туркменскі досвед: як вешаць прэзідэнта?

У Туркменістане распрацаваны новы стандарт вывешвання партрэта прэзідэнта Гурбангулы Бердымухамедава ў кабінетах кіраўнікоў усіх рангаў.


Фонам для партрэта гаранта павінен служыць чырвоны дыван з дадаткам нітак з белай воўны, з адмысловым арнаментам і памерам не менш 2,20 х 1,5 метра. На сярэдзіну дывана змяшчаецца рамка з металу або гіпсу, пафарбаваныя ў залацісты колер. У яе ўстаўляецца партрэт прэзідэнта. Усім кіраўнікам у рэгіёнах краіны загадалі набыць і павесіць дываны і партрэты ў адпаведнасці з новымі патрабаваннямі. Падчас анлайн-канферэнцый кіраўнікі павінны выступаць на гэтым фоне, падкрэсліваецца ў цыркуляры.

Застаецца дадаць, што за апошнія пару гадоў у дзяржаўных установах ужо масава мянялі партрэты туркменскага лідара. Гэта адбылося з-за таго, што кіраўнік дзяржавы рэзка змяніў імідж: прыкладна са жніўня 2018 года ён пачаў з’яўляцца на публіцы з пасівелымі валасамі. У шэрагу рэгіёнаў бюджэтнікаў абавязалі аплаціць замену партрэтаў Бердымухамедава.

Паводле туркменскай прэсы

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: