У Азербайджане абвешчана ваеннае становішча

Улады Азербайджана з 28 верасня ўводзяць на ўсёй тэрыторыі краіны ваеннае становішча. Указ аб гэтым падпісаў у нядзелю прэзідэнт Азербайджана Ільхам Аліеў, паведаміў журналістам на брыфінгу памочнік прэзідэнта Хікмет Гаджыеў.
Прэзідэнт Азербайджана Ільхам Аліеў © Azerbaijani Presidential Press Office via AP

Прэзідэнт Азербайджана Ільхам Аліеў © Azerbaijani Presidential Press Office via AP

"З 00:00 28 верасня абвясціць ваеннае становішча на ўсёй тэрыторыі Азербайджана", — зачытаў дакумент Гаджыеў.

Адначасова ўводзіцца каменданцкая гадзіна ў шэрагу гарадоў і раёнаў краіны, у тым ліку ў Баку. Яна будзе дзейнічаць з 21:00 да 06:00.

Сярод гарадоў і раёнаў, дзе ў перыяд ваеннага становішча ўводзіцца каменданцкая гадзіна, таксама тыя, большасць з якіх размешчаныя паблізу рэгіёну баявых дзеянняў і на мяжы з Арменіяй.

На час дзеяння каменданцкай гадзіны грамадзянам забараняецца знаходзіцца на вуліцах і ў іншых грамадскіх месцах без спецыяльнага дазволу і дакументаў, якія пацвярджаюць асобу. Акрамя таго, уводзіцца спецыяльны рэжым уезду-выезду і абмежаванні на рух транспартных сродкаў.

Указ прэзідэнта зацвердзіў ў нядзелю парламент Азербайджана.

tass.ru

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: