У Эфіопіі адбылася спроба перавароту, забітыя высокапастаўленыя асобы

Кіраўнік генеральнага штабу Эфіопіі і, па меншай меры, тры іншыя высокапастаўленыя службовыя асобы былі забітыя падчас спробы дзяржаўнага перавароту ў паўночным штаце Амхара, перадае Белсат са спасылкай на Reuters.
Прэм

Прэм'ер-міністр Эфіопіі Абій Ахмед Алі,)

У эфіопскай правінцыі Амхара папярэджаная спроба дзяржаўнага перавароту, сказаў прэм'ер-міністр Эфіопіі Абій Ахмед Алі, выступаючы па мясцовым тэлебачанні.

У выніку нападу змоўнікаў загінуў кіраўнік рэгіёну і ягоны дарадца. У сталіцы Адыс-Абэбе начальніка Генштабу забіў ягоны целаахоўнік, таксама быў застрэлены генерал арміі ў адстаўцы, піша Associated Press.

Арганізатарам путчу называюць кіраўніка службы бяспекі рэгіёну Амхара.

Урад Эфіопіі заяўляе, што спроба дзяржаўнага перавароту была задушана, большасць удзельнікаў затрымалі.
Амбасада ЗША паведаміла пра стральбу ў сталіцы краіны і заклікала людзей быць асцярожнымі.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: