У Еўропе імкліва расце колькасць заражэнняў COVID-19: Італія сыходзіць на каранцін

У еўрапейскіх краінах назіраецца істотны прырост колькасці заражэнняў каронавіруснай інфекцыяй, а таксама павялічваецца колькасць смяротных вынікаў, пішуць у пятніцу мясцовыя СМІ.
Так, за мінулыя суткі ў Вялікабрытаніі было зарэгістравана яшчэ 489 смерцяў ад наступстваў заражэння COVID-19. Як паведамляе The Guardian са спасылкай на брытанскія статыстычныя агенцтва з іх уласнымі падлікамі, на самай справе ў Злучаным Каралеўстве памерлі як найменш 82 тысячы чалавек, у якіх быў дыягнаставаны каронавірус. Паводле афіцыйнай статыстыкі гэты паказчык крыху перавышае 66 тысячы чалавек. За мінулыя суткі захворванне выявілі яшчэ ў 28,5 тысяч чалавек.

Падобная сітуацыя складваецца ў Італіі, дзе прырост па захворванням і смерцям ў апошнія дні стабільна трымаецца на ўзроўні прыкладна 18 тысяч хворых у суткі і 680 смяротных зыходаў, адпаведна. За апошнія 24 гадзіны COVID-19 быў дыягнаставаны яшчэ ў 17992 жыхароў краіны. Такім чынам, Італія ўваходзіць у тройку еўрапейскіх краін, якія сутыкнуліся з найбольш моцнымі паказчыкамі распаўсюджвання інфекцыі.

Высокі ўзровень распаўсюджвання інфекцыі назіраецца і ў Швейцарыі, дзе кожны дзень рэгіструецца каля 4,5 тысяч новых выпадкаў інфікавання. У сувязі з высокімі паказчыкамі ў краіне будуць зачыненыя ўсе рэстараны, бары, спартыўныя, забаўляльныя і культурныя цэнтры ў перыяд з 22 снежня па 22 студзеня.

Італьянцы адзначаць Новы год і Каляды на каранціне

На ўсёй тэрыторыі Італіі ў перыяд святаў аб'яўляецца каранцін для барацьбы з распаўсюджваннем каронавіруснай інфекцыяй, абвясціў італьянскі прэм'ер Джузэпэ Контэ, словы якога прыводзіць Corriere della Sera.

З 24 снежня па 6 студзеня ўся Італія стане "чырвонай зонай" - гэта значыць на ўсёй тэрыторыі краіны ўводзіцца найвышэйшы ўзровень эпідэміялагічных абмежаванняў. У гэты перыяд будзе забаронена перасоўванне паміж рэгіёнамі, выхад з дому без неабходнасці. Бары і рэстараны, а таксама ўсе крамы, акрамя харчовых, зачыняцца.

Контэ парэкамендаваў суграмадзянам правесці святы з людзьмі, з якімі яны жывуць пастаянна, аднак будзе і выключэнне. Так, раз у дзень з 05:00 да 22:00 можна ўдваіх пайсці ў госці з дзецьмі да 14 гадоў у дом, размешчаны ў тым жа раёне.

Акрамя таго, 28, 29, 30 снежня і 4 студзеня каранцінныя абмежаванні будуць крыху аслабленыя. Да 21:00 будуць працаваць некаторыя крамы, а таксама можна будзе выехаць з свайго населенага пункта. Вяртанне дадому дазволена ў любы дзень.

Паводле interfax.by

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: