У Фінляндыі ўводзяць дзённы сон на працоўным месцы

Кіраўнікі фірмаў спадзяюцца такім чынам палепшыць самаадчуванне і працаздольнасць сваіх супрацоўнікаў.

Фінскія супрацоўнікі спяць на працы. Фота: yle.fi

Фінскія працадаўцы пачалі ўводзіць дзённы сон супрацоўнікаў і нават наймаць для гэтага спецыяльных інструктараў, паведамляе korrespondent.net.

Адзначаецца, што такое новаўвядзенне практыкуюць у многіх камерцыйных кампаніях, а таксама ў цэрквах і школах. На дзённы сон падчас працоўнага дня звычайна вылучаюць паўгадзіны.

"Прымусіць сябе расслабіцца цяжка, але пад кіраўніцтвам трэнера гэта становіцца значна прасцей нават у сярэдзіне дня. Інструктар ў гэтай сітуацыі на вагу золата, таму што ён дапамагае зрабіць гэтую ментальную паўзу, адправіцца ў міні-адпачынак на паўгадзіны", — сказала Цііна Вайніа з цэнта Sofia Future Farm, што арганізуе гэты "занятак".

Паводле апытанняў, пасля такога перапынку работнікі адчуваюць сябе значна больш упэўнена. І калі раней у Фінляндыі сон на працы асацыяваліся з лянотай, дык цяпер — з прадуктыўнасцю.


Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • фцф
  • 2018-10-01 20:01:33
Вартая рэч. Часам практыкую сам, але, канечне, без дазволу начальства...