У Кіеве прапанавалі назваць вуліцу імем Паўла Шарамета

На сайце Кіеўскага гарадскога савета апублікаваная петыцыя з прапановай перайменаваць праспект Праўды ў праспект Паўла Шарамета.


У петыцыі адзначаецца, што праспект Праўды перасякаецца з праспектам Георгія Гангадзэ. Акрамя таго, на думку аўтараў звароту, праспект Праўды варта перайменаваць у адпаведнасці з законам аб дэкамунізацыі.

Павел Шарамет журналіст быў забіты 20 ліпеня ў цэнтры Кіева. У машыне, за рулём якой ён знаходзіўся, выбухнула бомба.

У Кіеве Шарамет працаваў у інтэрнэт-выданні «Украінская праўда» і на радыё «Весці».

Георгій Гангадзэ, заснавальнік «Украінскай праўды», быў забіты ў 2000 годзе. За яго забойства былі асуджаныя былыя супрацоўнікі МУС, у іх ліку былы начальнік галоўнага ўпраўлення крымінальнага вышуку Аляксей Пукач.


Паводле meduza.io

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: