У Літве мясцовыя жыхары блакуюць подступы да палігона, дзе плануюць размяшчаць мігрантаў

Група людзей на аўтамабілях блакуе подступы да палігона ў Руднінкаі, дзе плануецца размясціць нелегальных мігрантаў, паведамляе «DELFI».
Кіраўнік Службы грамадскай бяспекі Рычардас Поцюс паведаміў, што блакуецца мост праз раку Меркіс. «Не прапускаюць грузавікі з намётамі і іншым абсталяваннем. Мабыць, адбываецца тое ж, што ў Дзевенішкес (у гэтым літоўскім горадзе жыхары дамагліся адтэрміноўкі адкрыцця цэнтра прыёму нелегальных мігрантаў. — Заўв. рэд.). Тыя ж мэты», — патлумачыў Поцюс.

26 ліпеня міністр унутраных спраў Агне Білатайтэ паведаміла, што каля 1,5 тысячы замежнікаў будзе размешчана на палігоне ў Руднінкаі (Салечніцкі раён), у намётавым мястэчку.

«Прынята рашэнне, зараз намёты едуць на Руднінкскі палігон, які з'яўляецца тэрыторыяй, паднагляднай Службе грамадскай бяспекі. Там дакладна будзе нескладана забяспечыць пытанні бяспекі», — сказала яна журналістам.

Нагадаем, Літва ў апошнія месяцы сутыкаецца з прыкметным ростам нелегальнай міграцыі. Праз Беларусь у краіну трапілі ўжо больш за 2,7 тысячы нелегальных мігрантаў.

news.zerkalo.io

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: