У Літве перахапілі чарговую буйную партыю кантрабандных беларускіх цыгарэт — на 1 млн. еўра

Літоўскія мытнікі выявілі чарговую буйную партыю беларускіх цыгарэт на мяжы.


11 красавіка каля 5-ай раніцы грамадзянін Беларусі перасякаў мяжу на фуры «DAF» у пункце пропуску «Шальчынінкай». У дакументах было пазначана, што ён вязе ў Польшчу кардон транзітам праз Літву, паведамляе REFORM.by.

Пры аглядзе грузу мытнікі звярнулі ўвагу, што кардон выкладзены неакуратна, і вырашылі прасканаваць аўтамабіль. Высветлілася, што ва ўпакоўках лістоў кардона былі выразаныя спецыяльныя паражніны, у якіх знаходзіліся цыгарэты.

Усяго было канфіскавана каля 308 тысяч пачкаў цыгарэт «NZ Gold» і «Minsk Superslims» беларускай вытворчасці. Іх кошт, уключаючы падаткі, ацэньваецца ў больш чым 1 млн. еўра, паведамляе літоўская мытня.

Распачатае расследаванне. Кіроўцу затрымалі і пазней вызвалілі пад заклад і падпіску аб нявыездзе з адабраннем дакументаў.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: