У Літве пройдуць вучэнні па рэагаванні на выбух Беларускай АЭС

Вучэнні па рэагаванні на магчымую аварыю на Беларускай АЭС пройдуць 1-4 кастрычніка ў Віленскім, Швэнчанскім раёнах Літвы і, магчыма, Вільні, паведамляе БелаПАН са спасылкай на навінавы партал Delfi.
«Наша мэта — прааналізаваць практычныя аспекты, звязаныя з папярэджаннем і інфармаваннем жыхароў, іх эвакуацыяй, часовым перамяшчэннем, дэзактывацыяй», — цытуе партал начальніка ўпраўлення грамадзянскай абароны дэпартамента супрацьпажарнай аховы і выратавання МУС Літвы Эдгарасу Гяду.

Па словах старэйшага спецыяліста аддзела арганізацыі аховы жыхароў ўпраўлення грамадзянскай абароны Евы Гатэлітэ, да вучэнняў плануецца прыцягнуць грамадзянскіх асоб.

«Зараз вядуцца гутаркі з самакіраваннямі, у якіх плануецца арганізаваць частка вучэнняў, — заявіла яна. — Гэтыя самакіраванні праінфармаваныя, што спатрэбяцца людзі-статысты, паколькі адным з заданняў будзе правядзенне эвакуацыі. Вучэнні плануюцца так, каб як мага больш увагі было прыцягнута да рэальнага сцэнару».

Як паведамлялася, у кастрычніку мінулага года ўлады Літвы абнавілі план дзеянняў па абароне насельніцтва ў выпадку ядзернага інцыдэнту, у тым ліку аварыі на БелАЭС. Адзін са сцэнараў плана прадугледжвае эвакуацыю каля 6 тысяч жыхароў прылеглых да Беларусі раёнаў у выпадку сур'ёзнай аварыі на АЭС.

Беларуская АЭС ўзводзіцца пад Астраўцом (Гродзенская вобласць) за кошт крэдыту Расіі па тыпавым расійскім праекце ВВЭР-1200. Крэдытная лінія да 10 млрд даляраў на будаўніцтва станцыі адкрыта да 2035 года. Пастаўка ядзернага паліва на БелАЭС чакаецца летам 2019 года. Увод у эксплуатацыю першага энергаблока запланаваны на снежань 2019 года, другога — на ліпень 2020 га. Мяркуецца, што атамная станцыя будзе выпрацоўваць 18 млрд кВт · г электраэнергіі штогод.

Літва — самы актыўны крытык БелАЭС. У Вільні перакананыя, што будаўніцтва АЭС вядзецца без выканання патрабаванняў бяспекі і экалагічных стандартаў. Беларусь гэтыя прэтэнзіі адхіляе.

15 чэрвеня 2017 года літоўскі сойм прыняў закон аб прызнанні АЭС, якая будуецца ў Беларусі, небяспечнай і пагрозлівай для літоўскай нацыянальнай бяспекі, навакольнага асяроддзя і грамадскага здароўя. Раней парламент Літвы прыняў закон, закліканы абмежаваць імпарт электраэнергіі з Беларусі і Расіі.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: