У Літве затрымалі чарговых мігрантаў з Іраку, якія прыйшлі з Беларусі

Агульная колькасць мігрантаў, якія прыбылі праз тэрыторыю Беларусі ў Літву нелегальна, сёлета дасягнула ўжо 419 чалавек, піша Свабода.

19 чэрвеня на тэрыторыі Тварачускага староства ў Ігналінскім раёне Літвы памежнікі гэтай краіны затрымалі 12 чалавек, якія перасеклі мяжу з боку Беларусі. З сабой у затрыманых не было ніякіх дакументаў, яны назваліся грамадзянамі Іраку, інфармуе памежная служба Літвы.

Зараз замежнікі знаходзяцца на каранціне, у іх узялі тэсты на COVID-19. Асобы людзей высвятляюць, з нагоды іх пераходу мяжы цяпер вядзецца разбіральніцтва.

За апошнія два тыдні супрацоўнікі памежнай службы Літвы затрымалі ў адным Ігналінскім раёне 118 чалавек. Усяго ў Літву сёлета спрабавалі трапіць 419 нелегальных мігрантаў. Большасць з іх — грамадзяне Іраку, што ў пяць разоў больш, чым за ўвесь 2020 год.

У Літве ўзмацнілі ахову мяжы з Беларуссю. Сюды былі накіраваныя памежнікі з іншых дэпартаментаў краіны, а таксама прадстаўнікі мясцовай Службы грамадкай бяспекі і іншых сілавых структур краіны.

Раней улады Літвы абвінавацілі афіцыйны Мінск у спрыянні нелегальнай міграцыі.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: