У лонданскім аэрапорце Гатвік зноў адмяняюць рэйсы з-за падазроных дронаў

З пачатку авіякалапсу на свае рэйсы не трапіла больш за 120 тысяч чалавек.

Фота GETTY IMAGES

Кіраўніцтва лонданскага аэрапорта Гатвік у чарговы раз адмяніла рэйсы з-за з'яўлення ў паветры падазроных дронаў, паведаміла прадстаўнік аэрапорта.

"Мы толькі што атрымалі паведамленні аб тым, што быў заўважаны яшчэ адзін беспілотнік, мы правяраем гэтую інфармацыю. На час праверкі мы прынялі рашэнне адмяніць рэйсы ў якасці меры засцярогі", — сказала яна.

Паведамляецца, што падазроны дрон быў знойдзены 21 снежня ў 17.10 па мясцовым часе.

Некалькім самалётам забаранілі здзейсніць пасадку, і ім давялося кружыць у небе над Гатвікам.

Міністэрства абароны Брытаніі не пацвердзіла інфармацыю аб з'яўленні дронаў. Паліцыя графства Сусэкс паведаміла аб пачатку расследавання інцыдэнту.

 

Калядны калапс

Першы раз Гатвік зачынілі ў дзевяць гадзін вечара па мясцовым часе ў сераду, 19 снежня, калі над узлётным полем заўважылі два беспілотнікі.

У тры гадзіны ночы паласу адкрылі, але ўжо праз 45 хвілін былі вымушаныя закрыць зноў з-за новых паведамленняў пра дронаў у паветры.

У інтэрв'ю ВВС аперацыйны дырэктар Гатвіку Крыс Вудруф распавёў, што два апараты лёталі над плотам па перыметры лётнага поля, перыядычна набліжаючыся да ўзлётна-пасадачнай паласе, што прывяло да збою ў раскладзе працы аэрапорта.

У Брытаніі палёты дронаў забароненыя ў радыусе аднаго кіламетра ад мяжы аэрапортаў і аэрадромаў.

Раней у пятніцу, 21 снежня, узлётна-пасадачная паласа Гатвік адкрылася для прыёму і адпраўкі авіярэйсаў праз амаль 36 гадзін пасля чарговага закрыцця.

 

Фота GETTY IMAGES


З пачатку авіякалапсу на свае рэйсы ня трапіла больш за 120 тысяч чалавек. Дзясяткі чалавек сказалі ВВС, што ўжо адмовіліся ад планаў на Каляды, паколькі развіццё сітуацыі не выклікае аптымізму. Многія патрацілі грошы на авіябілеты на рэйсы з іншых аэрапортаў і на гатэлі.

Некаторыя пасажыры скардзяцца, што іх авіялініі і аэрапорт робяць недастаткова для таго, каб кампенсаваць сваім кліентам нязручнасці.

Падобны інцыдэнт з дронамі ўжо адбываўся ў Гатвіку ў ліпені 2017 года.

Паводле ВВС


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: