У Манголіі знойдзены дыназаўр-рыбалоў

Палеантолагі з Францыі, Бельгіі, Чэхіі, Манголіі і Канады на чале з Андрэа Кау (Andrea Cau) з Балонскага універсітэта апісалі новы від дыназаўра, скамянелыя рэшткі якога былі знойдзены на тэрыторыі Манголіі. Навукоўцы мяркуюць, што дыназаўр вёў полуводны лад жыцця і паляваў у вадзе на рыбу.
Новы від атрымаў навуковую назва Halskaraptor escuilliei ў гонар чэшскага палеантолаг Хальшки Асмульскай (Halszka Osmólska, 1930-2008), якая прысвяціла шмат гадоў вывучэнню дыназаўраў Манголіі. Гэты дыназаўр жыў ад 71 да 75 мільёнаў гадоў таму. Памерам ён быў прыблізна з гусака: вышынёй каля 45 сантыметраў. У яго былі параўнальна доўгія стройныя заднія ногі, кароткія пярэднія, вельмі доўгая — роўная па даўжыні астатняму целу — шыя і дзюбападобная пашча, забяспечаная мноствам зубоў. На думку навукоўцаў, такія прыстасаванні дапамагалі яму ў паляванні на рыбу.

З-за доўгай шыі цэнтр цяжару жывёлы быў зрушаны наперад, таму, ходзячы па зямлі, ён быў вымушаны трымаць цела вертыкальна, як гэта робяць некаторыя сучасныя кулікі. Буйныя косткі ягоныя «дзюбы» былі пранізаны густой сеткай нерваў і крывяносных сасудаў. Падобнае будаванне касцей сустракаецца ў сучасных кракадзілаў і ў старажытных плезіязаўраў. Форма костак пярэдніх канечнасцяў гэтага дыназаўра паказвае на тое, што яны выкарыстоўваліся пры плаванні, падобна таму, як гэта робяць пінгвіны.

Андрэа Кау прызнаў, што, убачыўшы ўпершыню закамянелыя косткі, западозрыў, што перад ім падробка, сабраная з не звязаных адзна з адной костак. Падазрэнне ўзмацняў той факт, што камень, у якім былі заключаны закамянеласці, быў вывезены з Манголіі кантрабандай і трапіў да навукоўцаў ад прыватнага калекцыянера. Але Кау і яго калегі даследавалі ўзоры пры дапамозе магутнага рэнтгенаўскага генератара Еўрапейскага сінхратрона ў Грэноблі і пераканаліся, што ўсе косткі сапраўдныя і прыналежаць адной асобіне.

Паводле Pro Science

Каментаваць