У Маскве прайшло шэсце супраць абмежаванняў інтэрнэту

На Страсным бульвары ў Маскве прайшла пратэстная акцыя супраць абмежаванняў інтэрнэту.
Удзельнікі запатрабавалі адстаўкі кіраўніка Раскамнадзора Аляксандра Жарова, адмены інтэрнэт-цэнзуры і закрыцця крымінальных спраў, узбуджаных за рэпосты і лайкі ў сацыяльных сетках.

Па дадзеных паліцыі, у акцыі прынялі ўдзел 800 чалавек, хоць у сацыяльных сетках самі актывісты кажуць пра паўтары тысячы.

Пратэстоўцы прайшлі  па Пятроўскім, Раждзественскім, Срэценскім бульварах — да праспекта Акадэміка Сахарава.

Па дадзеных СМІ, яшчэ да пачатку мітынгу адбылося першае затрыманне — пажылы мужчына Рыгор Саксонаў (імя паказвае «АУС-Інфа») трымаў у руках плакат з надпісам: «Пуцін lies» ( «Пуцін хлусіць»).

У «АУС-Інфа» Рускай службе Бі-бі-сі паведамілі, што Саксонава неўзабаве адпусцілі з паліцыі пасля прафілактычнай гутаркі.

Сам актывіст распавёў рэсурсу, які займаецца маніторынгам затрыманняў, што «адзін з паліцэйскіх ўжо адпусціў яго, калі прыбег іншы і стаў крычаць, што [актывіста] загадалі не адпускаць». Пасля чаго затрыманы яшчэ 20 хвілін правёў у аддзеле, пакуль паліцэйскія вырашалі, што рабіць далей. Але ўсё ж канчаткова адпусцілі Саксонава.

Актывіст распавёў, што ў Цвярскім АУС доўгі час знаходзіўся непаўнагадовы, затрыманы на акцыі — паліцыянты, па дадзеных Саксонава, чакалі прыезду бацькоў.

Верагодна, гаворка ідзе пра маладога чалавека з руху «Пратэстная Масква», які раздаваў улёткі ў падтрымку апазіцыянера Аляксея Навальнага. Паводле апошніх звестак, яго адпусцілі без прад'яўлення абвінавачванняў.
Пад канец шэсця быў затрыманы яшчэ адзін актывіст, які трымаў плакат з надпісам: «Знішчыў ўсе СМІ, узяўся за інтэрнэт».

Некаторыя актывісты паскардзіліся ў эфіры «Дажджу», што паліцэйскія адбіраюць усе плакаты, на якіх ёсць надпісы на англійскай мове, нават калі яны не супярэчаць правілам.

Удзельнікі мітынгу актыўна падтрымлівалі матэматыка Дзмітрыя Багатава, якога абвінавачваюць у закліках да тэрарызму.

Як відаць на відэазапісах з акцыі, адной з калон падчас маршу давялося спыніцца, калі на шляху апынуўся калодзеж, не зачынены люкам. Актывісты пачалі скандаваць: «Раскапалі ўсю Маскву».

У Маскве ў межах праграмы па добраўпарадкаванні «Мая вуліца» мяняюць плітку на ходніках, у асобных месцах пашыраючы іх. Гэта выклікае незадаволенасць мясцовых жыхароў, якія ў месцах рэканструкцыі вымушаныя хадзіць па драўляных насцілах або прама па праезнай частцы.

Пры гэтым намеснік мэра сталіцы па пытаннях жыллёва-камунальнай гаспадаркі і добраўпарадкавання Пётр Бірукоў раней заявіў, што праграма «Мая вуліца» не скончыцца «ніколі».

«Добры гаспадар у хаце заўсёды наводзіць парадак, са сваімі дзеткамі, малодшымі, старэйшымі. Мы з вамі — гаспадары нашай Масквы. Гэтая наша праца на карысць Масквы будзе бясконцай», — сказаў на заканчэнне чыноўнік.


Паводле bbc.com

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: